آج کا ملحد بھی قرآن کو اساطیر الاولین کہتا ہے اور عہد قدیم کا ملحد بھی یہی کہتا تھا.... قرآن اور جدید اردو شاعری کے نمونے اس پہ شاہد ہیں... بے شک قرآن اللہ رب العزت کی ذات، صفات اور حکم و نظام کو سمجھنے اور ماننے کی شاہ کلید ہے... سو کفر و الحاد کے بڑھتے اٹھتے طوفان کو اس معجزہ ہی کی مدد سے مثلِ خس و خاشاک بٹھایا اور واپسی کا رستہ دکھایا جا سکتا ہے...تعلیم القرآن اور تذکیر بالقرآن کو اپنی روزانہ ذاتی، جماعتی اور خاندانی روٹین میں جگہ دینا ہر مومن و مسلم پہ لازم ہے... آئیے اپنے گھر سے شروع کرتے ہیں.... ان شاءاللہ
ذاتی طور پر :
روزانہ ایک ربع......تلاوت
دو رکوع......... تلاوت مع ترجمہ
خاندان کے ساتھ :
ایک رکوع..... ترجمہ و مختصر تفسیر (نصاب طے کر لیا جائے)
جماعتی زندگی :
ایک رکوع...... ترجمہ و تفسیر (تحریکی و دعوتی و فلاحی و کاروباری و سرکاری و غیر سرکاری دفاتر)
اللہ تعالٰی ہمیں توفیق عطا فرمائے اور اسے ہماری دنیا و آخرت کو سنوارنے والا بنا دے... بے شک وہی ولی التوفیق ہے
فلک شیر چیمہ، چوبیس جنوری 2018، علی پور چٹھہ
فلک بھائی !
جواب دیںحذف کریںبات تو آپ کی ٹھیک ہے۔
اللہ تعالیٰ ہمیں توفیق دے کہ قران کو اپنی زندگی میں لا سکیں۔